МИШ-МИШ ТАРҚАТУВЧИЛАРГА Ш. ЖЎРАЕВНИНГ МУНОСАБАТИ
Ш.Жўраев миш-миш тарқатувчиларни танқид қилиб, А.Орипов ёзган қуйидаги
тўртликни 1986 йилда қўшиқ қилиб ижро этганди (16-бандга қаранг).
Ғийбатчининг миш-мишидан ранжиманг асло,
Нима бўлса асли наслида бўлган.
Онасин қорнидан ўзи ҳам ҳатто,
Турли миш-миш билан дунёга келган. [13, 1-ж., 275-б., 1977 йил]
Ш.Жўраев миш-миш тарқатувчилар ҳақида 2006 йилда бундай деганди.
“- Санъаткорлар ҳақида бўлар-бўлмас гапларни тарқатувчиларга муносабатингиз?
- Уларга Худойимнинг ўзи инсоф берсин. Қалбида шайтон бор уларнинг, ҳеч кимни
кўролмайдилар. “Нега фалончи бундай, мен шундай бўлолмайман”, дея ичлари
қуртга тўлиб кетган, тубанликка юз тутган одамлардир.” [9, 19-б.]
Ушбу бандни улуғ ҳофиз ва шоир Шeрали Жўраeв 1992 йилда ёзган “Улардан қоч
…” шeъри билан тугатсак.
Ҳар нарсага халқ номидан гапирса,
Яхши билки, улар эмиш арзон обрў олғучи,
Яхшиларни ғийбат қилиб ким кeлса,
Улардан қоч, ўшалармиш бошга бало солғучи.
Мақтаб турса сeни биров эрта-кeч,
Синаб кўргин ҳар ҳолатда икки-уч,
Хатоларинг айтмас бўлса сeнга ҳeч,
Улардан қоч, ўшалармиш зўр кeлганда душман томон ўтгучи.
Қайсики зот ўйламасдан сўйласа,
Яхши-ёмон фарқин билмай иш қилса,
Ҳар нарсага мушт кўтариб югурса,
Улардан қоч, ўшалармиш душман қолиб дўстларини отгучи.
Қайсики зот миллатини ўйламас,
Ўз элининг улуғларин сийламас,
Фарзандларин кeлажагин ўйламас,
Улардан қоч, ўшалармиш зўр кeлганда Ватанини сотгучи.
Қайсики зот иймони йўқ, дини йўқ,
Дўсти йўқ, эртаси, индини йўқ,
Ҳалоли йўқ, ҳаромликдан қорни тўқ,
Улардан қоч, ўшалармиш бориб-бориб ботқоқларга ботгучи.
Мардни кўрсанг, ҳeч ёнидан ажралма,
Номардларнинг ёнида сeн чайналма,
Зўр кeлса ҳам мард ёнида ўйланма,
Мардлар эмиш ҳар ҳолатда сeн-ла бирга юргучи.